Bazkide izan

Banaketa handiaren alternatibak badirela sinetsirik, elkartearekin bat egitean, proposamen egile, dendako eragile eta bezero bilakatzen zarete.

Gure funtzionamendua gure kideen engaiamendu erregularrean oinarritzen da. Hauek, hilero hiru oreneko boluntario lana egiten dute, janari dendaren irekitze tarte batean egonez edota talde funtzionaletako batean inplikatuz.

Ordainketa bakar bat galdegina izanen zaizu bazkidetza egiteko unean, zeinetan sartuko diren:

  • 30 €ko bazkidetza indibidual edo familiarra (ez itzulgarria), hiru hilabeteko frogaldi eta integrazio aldi batekin
  • 70 €-ko parte sozial baten erostea (itzulgarria elkartea uzten baduzu).

(Gutxieneko sozialak kobratzen dituztenentzat, atxikimendua 3 €koa da eta parte soziala 7 €koa)

Zuen partaidetzari esker, gure elkartea hazten ari da, bere eskaintza dibertsifikatzen eta bere zerbitzuak hobetzen.

Ordutegiak

Janari dendaren irekitze orduetan, bikote batek tenperatura eta iraungitze datak kontrolatzen ditu, produktu freskoen egoera egiaztatzen du, apalategiak osatzen ditu, higiene eta mantenu arruntak segurtatzen ditu, eta, jakina, kutxako lanak egiten ditu, aurreeskaerei aplikatzen zaizkien tarifak eta balizko beherapenak eginez.

Kutxaren softwarea, formakuntza euskarri ezberdinak eta, behar izanez gero, erreferente eta formatzaileak eskura izango dituzte.

Erosleek hornidura segurtatzen dute. Bakoitzak produktu multzo bat dauka. Haien eginkizuna da — begiratuz eta/edo informatika bidez — produktuen segimendua segurtatzea, hausturak edo nahasteak saihesteko, eskaerak egitea eta entregak egokiak direla segurtatzea. Bakoitzak produktu multzo bat dauka. Haien eginkizuna da — begiratuz eta/edo informatika bidez — produktuen segimendua segurtatzea, hausturak edo nahasteak saihesteko, eskaerak egitea eta entregak egokiak direla segurtatzea. Bakoitzak produktu multzo bat dauka. Haien eginkizuna da — begiratuz eta/edo informatika bidez — produktuen segimendua segurtatzea, hausturak edo nahasteak saihesteko, eskaerak egitea eta entregak egokiak direla segurtatzea.

Ekoizleekin eta hornitzaileekin harreman zuzen eta errespetuzkoak garatzea dute helburu; kolektiboaren iradokizunak entzuten dituzte, batez ere produktu berriak aurkitzea gustatzen zaielako.

Diruzain eta erosleekin koordinaturik, kontulariek fakturen jarraipena eta ekoizleen ordainketa egiten dute. Taldean edo bakarka, kontabilitatearen jarraipena egiten dute eskaera, entrega eta faktura albaranen artean, eta anomaliak konpontzen dituzte.

Ondoren, diruzainen bidez, ordainketa egiten dute, eta, gero, kontabilitate adituari zuzendutako dokumentuak sailkatu eta artxibatzen dituzte, eta Administrazio Kontseiluari datuak ematen dizkiote.

Eskaera egin ondoan, salgai gehienak janari dendara emanak dira irekitze orduetarik kanpo. Errezibitzaileek eskaera-agirietan dagoena eta emandako produktuak berak direla seguratzen dute, etiketak egiaztatzen dituzte, eta produktuak apaletan, biltegia hotzean, armairu hoztuetan edo erreserban ezartzen dituzte.

Merkantzia batzuk ekoizlearenean egoten dira jasotzeko zain. Banaketaz arduratzen diren kideak beren ibilgailu pertsonalarekin joaten dira produktuen bila, HK-k eman behar duen eskaera agiria eta materiala eramanez. Kilometro gastuak kontuan hartzen dira.

Talde horrek apaletako produktuen etiketak eta prezioak egiaztatu eta eguneratzen ditu.

Urtean bi aldiz gutienez, edo aldizkako inbentarioen kari, erosleak laguntzen ditu, stock fisikoak kontrolatuz eta ordenagailuko zerrendekin kontrastatuz. Halaber, boluntarioen lana antolatzen du kontaketa lanetarako.

Janari saltegiak elikagaiekin lan egiten duen edozein saltegiren eskakizunak betetzen ditu, eta bereziki ongi zaindu behar dira bio produktuak — tratatu gabeak —haien egoera erregularki kontrolatuz.

Astero, 2 kidek janari dendaren mantentze eta garbiketa lanak egiten dituzte, eta segurtatzen dute erakusleiho hoztuek eta gela hotzak ongi funtzionatzen dutela, eta baimendutako garbiketarako produktuek eta materialak higiene arauak betetzen dituztela.

Komunikazio taldeak gure ikusgarritasuna segurtatzen du sare sozialetan, hedabideetan eta beste komunitateetan, eta besta ekitaldietan parte hartzen du (herriko pestak, hileko lehen ostegunak).

Kideen arteko lotura soziala indartzen du, kolektiboaren bilakaera jakinarazten du eta kide berrien integrazioa errazten du.

Komunikazio euskarrien itzulpen lanak ere egiten ditu (frantsesa/euskara/gaztelania).

Informatikan adituak diren kide batzuek segurtatzen dute kide guziek beren profila kutxan sortua dutela, helbide elektroniko bat badutela eta Driveko sarbide partekatua.

Era berean, hainbat formakuntza egiten dituzte eta datu basearen eta Odoo softwarearen eguneratzeak egiten dituzte, stockak, kutxa eta eskaerak kudeatzeko.

Administrazio Kontseilua hilero biltzen da.
Biltzar Nagusian 2 urterako hautatuak izan diren hamar bat kidek osatzen dute. Kideak berriz hautatuak izan daitezke mugarik gabe, baldin eta beste kide bat ez bada postu bererako aurkeztu.

AKren bilkurak parte hartu nahi duen ororentzat irekiak dira.

Nola egin bazkide

Lokalean bertan

Zatozte Hendaiako Portu karrikako 10. zenbakiko lokalera, janari dendaren irekitze orenetan. Han dauden kideek plazerez erantzungo dituzte zuen galderak, eta kide egiten lagunduko dizuete. Ostegunero, 18:00etan interesa duten lagun guztiei harrera egiten diegu.

Txekez, txartelez edo diruz (Euskoz edo euroz) ordaindu daiteke.; baita EuskoCarte-arekin ere.

Sarean

Bazkidetza orria bete sarean, HelloAsso plataformarako lotura erabiliz (bankuko txartelarekin ordaindu, %100eko segurtasunarekin)

HelloAsso-ko bazkidetza egin






Gu sostengatu

Oraintxe ezin duzu denborarik eskaini, baina proiektua sostengatu nahi duzu: egin diru-emaitza bat HelloAsso webgunearen bidez, hautatu duzun diru kopurua zehaztuta.

Diru-emaitza bat egin