Historia iruditan ( 20 Argazkiak)

2018 hasieran, ekoizle talde batek lokal hori alokatu nahi izan zuen, haien produktuak saltzeko, baina gerora, konturatu ziren beren ekoizpen guneetatik pixka bat urrun zegoela.

Hendaiako Herriko Etxeak lokal hau erosi zuen duela hamar bat urte (Portu karrikako 10. zenbakian). Aurretik farmazia bat izan zen, Pharmacie Internationale.
Lokala 10 urtez erabili gabe egon zen.

Aldi berean, Hendaiako hautetsiak, Franck Laharrague (Otsokopeko kide ohia eta IKPB158-eko sortzailea) eta hainbat hendaiar elkartu ziren saltegi parte hartzaile baten proiektua martxan jartzeko

Lehen bilera 2018ko maiatzaren 17an egin zen, ostegunarekin, Variétés zineman, 50 bat lagunekin. Arrats hartan, New Yorkeko "Food Coop" filmaren proiekzioa, trukeak eta izen emateak egin ziren.

2018ko ekainaren 28an, Biltzar Nagusi eratzailea egin zen, Ondarraitzeko Club House-en + izen emateak. 57 lagun zeuden bertan, eta lehen 49 kidek eman zuten izena.
2018ko uztailaren 3an, 12 kideko Bulegoa hautatu zen, 4 lehendakarikide, 2 diruzain eta 3 kiderekin. .

2018ko irailaren lehenean aurrez eskatutako lehen saski banaketa iragan zen. Banaketa hauek 15 egunean behin egin ziren zenbait hilabetetan zehar, eta, horri esker, elkarteak diru sarrera batzuk ukan zituen gure gelaren ekipamendu beharretarako eta etorkizuneko janari dendarako salgaien erosteko.

2018ko urriaren 18an, gure lehen ohiko Biltzar Nagusia iragan zen (44 kiderekin). Aitzinkontua eta aplikatuko ziren marjinak aurkeztu ziren, eta bozkatu.

- Produktuen karta

• Lantaldeen aitzinamendua
• Barne araudiaren lehen osagaiak:
  < - Boluntariotzako hiru orduen antolaketa lau astean behin
  
• Kide «banatzaileek» egiten dituzten kilometro gastuen ordaintze moldeen proposamena
• Online eskaera moduen eta haien ordainketaren oroitaraztea
• Datu pertsonalen erabilpena (mezu elektronikoak, telefonoak, argazkiak...)
• Administrazio kontseilua eta deialdia
• Administrazio Kontseiluko kide berriak hautatzea

2018ko azaroan, Herriko Etxeak lokala berritzeko proiektua aurkeztu zuen Paueko Bâtiments de France-n. Hendaiakoopeko talde batek parte hartu zuen, nahi zuena zehazteko (prisak, ur puntuak, argiak..)

2019ko otsailaren 19an, ohiko Biltzar Nagusia Autoport aretoan.
Administrazio Kontseiluko lau kide berri hautatu ziren. 35.000 euroko diru partida bat (25.000 egoitza antolatzeko + 10 000 produktuak erosteko) eta Herriko Etxearekiko hitzarmen proiektua aho batez onartu ziren.

2019ko martxo hastapenean, HK-ko kideak prest zeuden pintatzeari ekiteko.
2019ko martxoaren 7an hasi ginen pintatzen, Soniak utzi aldamio bati esker.

2019ko martxoaren 9a, mozorro eguna, etorkizuneko bazkideekin, Autoport gunean. Ihauteri giroa.
2019ko martxoaren 11n, ezohiko biltzar nagusia egin zen, estatutu berrien onartzeko.
Ondoko egunetan, bigarren eskuko hotz-ganbera bat erosi genuen, eta gero bigarren eskuko beste azpiegitura batzuk (armairu frigorifikoak, apalak eta harraska herdoilezinak), prezio egokian.

2019ko martxoaren 15ean egin zen saskien azkeneko banaketa.
Laster denda irekiko zela nabari zen; jendea nekatuta zegoen, baina baita ilusionatuta ere.
2019ko martxoaren 18an, Josék, bere esku abilei eta materialari esker, harraska herdoilezina jarri zuen, dendaren atzeko aldean erabiliko zena.

2019ko martxoaren 23an, Antolaketa taldeko kideek OTSOKOPen pieza solteetan erositako hotz-ganbera muntatu zuten. Zenbat trebetasun eta arta! Milesker adituei.
Beste kide batzuek metalezko apalak ezarri zituzten.
2019ko martxoaren 28an, kideak lehen produktuak metalezko apaletan ezartzen hasi ziren.

2019ko martxoaren 25ean, Sébastien irakasleak (haren pazientzia mitikoarekin) etorkizuneko kutxazainei Odoo (gure kutxazain eta erosketa softwarea) erabiltzen irakatsi zien. Bati baino gehiagori nahiko burukomin eman zion.
2019ko martxoaren 30ean, izen emateek jarraitu zuten, Jokin eta Evelyne buru zirela

2019ko apirilaren lehenean, marmolezko mostradorea ezarri genuen dendaren sarreran. Yves Segoti erosi genion MONINArenean, (merke saldu zigun). Milesker YVES, HK-ri eman laguntzagatik.
2019ko apirilaren 5ean, apalak emeki-emeki betetzen hasi ziren. Ohartzen ginen zer lana gelditzen zitzaigun, 10 egunen buruan martxan izateko.

2019ko apirilaren 10ean, kartoiek eta paletek lokala inbaditu zuten. Dena apaletan jartzeko zegoen.
2019ko apirilaren 12an, ireki baino hiru egun lehenago, HKn lan handia zegoen. Vracoop-eko edukiontziak ezartzen hasi ziren. Azkeneko txanpa zen

2019ko apirilaren 13an, azken pintaketak egin ziren zenbait zuretan. Irekiera egunerako idortua zen.
2019ko apirilaren 14an, zulagailuak eta turnabis edo bihurkinak martxan zeuden. Soltean saltzeko eremua eta bere edukiontziak prest zeuden.
Material guzia bigarren eskukoa da: armairu frigorifikoak, metalezko apalak eta dendaren gibelean, erreserban, dagoen herdoilezko harraska, Salies de Béarnen erosi genizkion AIMA elkarteari.

2019ko apirilaren 15ean, lehen eguna.
Kutxazainak kontzentratuta zeuden eta lehenengo bezeroek erosketak egin zituzten. Oraindik ez zegoen produktu askorik, eta oraindik ere leku asko zegoen apaletan betetzeko.
Hendaiakoopen abentura abian zen, saltegi parte hartzaile eta kooperatibo moduan.

Gure proiektuak egiazki gauzatzen hasi ziren.
Orduz geroztik, saioak bata bestearen ondotik egin ziren, eta denek ikasi zuten, edozein zela ere bere lekua.
Irekitze ofiziala 2019ko apirilaren 20an iragan zen, larunbatez.