Ongi etorri zure saltegira

Gure lehentasuna: Saltegi kooperatibo eta parte hartzaile bat biziaraztea.

Bolondresek eta lan-taldeek kudeatzen dituzte saltegiaren jarduera eta animazioa.

Bakoitzak bere aukeren eta gogoen arabera hartzen du parte.

Garrantzitsuena nahikeria da eta ez gaitasunak.

Hiruhileko guziz, Biltzar Nagusiak antolatzen dira proiektuen aitzinamenduei buruz informatzeko eta hartu beharreko erabakien inguruan trukatzeko.

Zein dira saltegian eskura daitezkeen produktuak?

Fruituak eta barazkiak

Batez ere tokiko baratzeetan ekoitzitakoak eta sasoian sasoikoak, gure eskualdeko ekoizpen tipikoak lehenetsiz.

Esnekiak

Tokiko ekoizleei bakarrik erosiak, behi, ahuntz edo ardi esnearekin egindako gasnak, jogurtak eta izozkiak dira.

Haragia eta urdaitegia

Animaliak hazteko baldintzak eta haragiaren kalitatea kontuan hartzen ditugu.

Produktu beganoak

Dieta baino gehiago, beganismoa zinezko elikadura bizimodu bat da, eta lekua badu gure janari-dendan.

Ontziratu gabeak edo soltean

Hainbat produktu likido eta solido ontziratu gabe, edo soltean, erosteko aukera dago..

Edariak

Tokiko edari sorta zabala proposatzen dugu (zukuak, arnoak eta garagarnoak).

Janari denda

Gazia, gozoa, gustu guztietarako janaria aurkituko duzu.

Higienea eta mantenua

Osasuna eta ingurumena errespetatzen

Nola aukeratzen ditugu produktuak?

Lehentasuna, tokikoa
Produktuak 150 km baino gutxiagoko erradioan eginak dira.
Ekologikoa, baina ez bakarrik
Ahal den neurrian, oinarrizko mozkinak ekologiko eta ez ekologiko gisa proposatzen ditugu.
Produktua ez bada tokikoa (150 km baino gehiago), AB, Bio EU, JDB, IGP ekoetiketa bat galdatzen zaie haren koherentzia ebaluatzeko, edo beste kontsumitzaile kooperatiba batean jadanik aipatua izatea, konfiantzazko berme gisa.
Ontziratu gabea zoragarria da
.Estalkiek sortzen dituzten hondakinak murriztu nahian, soltean saltzen saiatzen gara.
Zinezko bidezko merkataritza
Helburua salmenta zirkuitu konbentzional bateko prezioan edo merkeagoa izatea bermatzea da, betiere ekoizleari ordainsari duin bat bermatuz. .
Natura, gizakia eta animalia errespetatzea
Tokiko edo kanpoko hornitzaileetatik datozen produktuen engaiamendu ekologikoak edota bidezkoak banatutako produktuen etika bermatu behar du. Bereziki animalia-jatorriko produktuei dagokienez, garrantzitsua da abereen ongizatea errespetatzea.
Produktu horiek gehigarri, kontserbatzaile eta pestizidarik gabekoak dira, ahal bada.
Handizkako merkatariak, azken aukera
Lehentasuna izanen du ekoizleekin harreman zuzena izateak, bitartekaririk gabe. Handizkako saltzaileengana jotzea posible da, soilik lekuan bertan ez dauden bidezko produktuendako eta ekologikoendako.